Er Ajuntament de Naut Aran finançarà 300 exemplars deth libre “El Régimen Especial de Aran” qu’ei un amàs de dotze estudis juridics independents elaboradi per especialistes ena matèria, dirigidi per Antonio Ezquerra, catedratic de Dret Administratiu dera Universitat de Lhèida damb eth prètzhèt de promòir era realitat aranesa per tota Espanha.

Era sedença der Institut d’Estudis Aranesi-Acadèmia Aranesa dera Lengua Occitana acuelhec era estrea aguesta publicacion e quini seràn es èishi fonamentaus que la compausaràn. Laguens d’aguesta seleccion, es capítols se dividissen en airaus coma per exemple es competéncies deth territòri, eth Conselh Generau, es terçons, eth regim generau deth territòri o d’auti coma per exemple estudis sus era politica e drets lingüistics der aranés, miei ambient o espòrts.

Era prevision deth consistòri ei era de poder presentar aguest libre sus eth regim especiau dera Val d’Aran pendent era primauera en municipi.