Catalonha contunhe sense auer podut celebrar encara eth debat d’investidura deth pròplèu president dera Generalitat de Catalonha atau coma dera rèsta de govèrn. Mentre se debatís s’a d’èster Carles Puigdemont eth pròplèu president entàs partits soberanistes, des deth cant non independentiste se mòstren contraris a qu’açò pogue èster efectiu. En aguest cas, trapam ath deputat dera Val d’Aran de Ciutadans pera demarcacion de Lhèida, Javier Rivas, que considere que Puigdemont non pòt èster escuelhut pes problèmes qu’arrosegue damb era justícia.

Ath delà, Rivas tanben se mòstre preocupat, pr’amor que mentre non se pogue produsir ua investidura formau, son fòrça es ahèrs dera vida vidanta de Catalonha que contunhen sense poder-se apariar.

Rivas considère qu’ei fòrça improbable que i age naues eleccions e que fin finau eth blòc independentiste traparà un candidat alternatiu entà esvitar auer de tornar a celebrar naui comicis qu’estirarie encara mès eth desgovèrn de Catalonha.