Actualitat
Naut Aran apròve era taxa deth servici d'estacionament e viaus publics
19/09/2024
Er Ajuntament de Naut Aran a aprovat damb es vòts a favor de Convergéncia Aranesa e Aran Amassa e era abstencion d’Unitat d’Aran era taxa de servici d’estacionament e vials publics.
En aguest sens, s’harà ua pròva pilòt en Garòs, Arties e Salardú a on se plaçaràn parquimètres que crubaràn 0,30 centims era ora, exceptuant era prumèra ora que serà completaments gratuïta.
Es vesins que paguen er impòst de circulacion en municipi e volguen aparcar en aguesti parcatges ac poderàn hèr de forma gratuïta.
Eth baile de Naut Aran, César Ruiz-Canela, afirme que “volem qu’es coches non demoren aquiu tot eth dia pr’amor que mos trapam damb situacions que dèishen remòlcs o furgonetes pendent tot er iuèrn e aucupe places que vesins o visitaires poderien emplegar d’ua forma mès eficienta. En aguest cas concrèt, poderàn èster-i ara tanben, mès auràn de pagar aguesti 0,30 centims ara ora. Vam a veir coma foncione aguesta pròva pilòt e coma la podem aplicar pendent aguest periòde.”
Era normativa començarie a aplicar-se pendent aguesta sason d’iuèrn.
HÒNT: AJUNTAMENT NAUT ARAN
En aguest sens, s’harà ua pròva pilòt en Garòs, Arties e Salardú a on se plaçaràn parquimètres que crubaràn 0,30 centims era ora, exceptuant era prumèra ora que serà completaments gratuïta.
Es vesins que paguen er impòst de circulacion en municipi e volguen aparcar en aguesti parcatges ac poderàn hèr de forma gratuïta.
Eth baile de Naut Aran, César Ruiz-Canela, afirme que “volem qu’es coches non demoren aquiu tot eth dia pr’amor que mos trapam damb situacions que dèishen remòlcs o furgonetes pendent tot er iuèrn e aucupe places que vesins o visitaires poderien emplegar d’ua forma mès eficienta. En aguest cas concrèt, poderàn èster-i ara tanben, mès auràn de pagar aguesti 0,30 centims ara ora. Vam a veir coma foncione aguesta pròva pilòt e coma la podem aplicar pendent aguest periòde.”
Era normativa començarie a aplicar-se pendent aguesta sason d’iuèrn.
HÒNT: AJUNTAMENT NAUT ARAN
Manu Moga