Les meterà en marcha un Plan d’Accion Locau damb er objectiu de redusir er impacte qu’a deishat era Covid-19 en municipi. Un Plan aprovat gràcies a ua modifiacion deth credit municipau que compdarà damb un hons de 35.000 èuros e qu’a estat aprovat per unanimitat. 

Se i contemplen, atau, diuèrsi punts laguens d’aguest Plan.

Suberges tanben eth refortilhament ena desinfeccion, limpiesa e proteccion d´espacis e locaus publics, e er increment de 2.000 èuros ena aportacion deth reciclatge de libres der alumnat dera escòla Alejandro Casona.

Les mantierà era exempcion des taxes des terrasses de bars e restaurants e tanben es inversions que dejà auie abans dera pandèmia en òbres de mantenença entà reactivar era activitat economica en municipi. 

En parallel ara aprovacion d’aguest Plan d’Accion Locau, er Ajuntament de Les a dat lum verda, per majoria asbosluta, ath pressupòst der an 2020, quantificat en un 1 milion e miei d’èuros.