Incendi en restaurant Esquirò de Vaquèira

20/01/2018

A prumèra ora deth maitin s'a detectat er incendi en bar deth locau, a on ua cafetera semble èster er epicentre der incident

Es Pompièrs d'Aran an demortat aguest maitin un incendi en restaurant Esquirò de Vaquèira (ena bastissa Maubèrme, còta 1500). Ath tor des 08:15, un trebalhador que daurie eth locau, s'a trapat er incendi ena barra deth bar. Segontes es Pompièrs, er incendi l'aurie provocat era cafetèra que i auie en aguest emplaçament. Fin finau, eth huec s'a estenut peth minjador, en tot auer afectat a bona part der immòble.

Cap a meddia, er incendi jà ère escandilhat, dempús de que s'auesse de deslotjar a ua quarantia de vesins dera bastissa, pr'amor qu'eth hum des hlames impossibilitaue era permanéncia enes viuendes. Per sòrt, sonque s'a patit damatges materiaus.
Manu Moga