Era Escòla Mairau “Era Cunhèra” de Vielha dejà a celebrat eth sòn hestivau de finau de cors, en quau es mainatges e mainades de P0, P1 e P2 d'aguest centre actueren entath nombrós public qu’amplie era sala Era Audiovisuau de Vielha.

Familhars e coneishuts des escolans poderen assistir tanben ara ceremònia de graduacion des mès "grani" dera escòla, qu’en seteme passen dejà entà educacion infantila e que s’an hèt ua foto damb eth sòn barret e diplòma de graduadi qu’er Ajuntament de Vielha e Mijaran les aufric coma present de graduacion.

Pendent er acte, presentat pera dusau tinent d’alcalde e còsso d’ensenhament, Maria Vergés, cada cors hèc ua petita actuacion musicau en tot acabar damb ua cançon que mainatges e familhes canteren amassa.

Entà acabar era serada eth consistori aufric un vrespalh saludable a toti es assistents.

IMATGES: AJUNTAMENT DE VIELHA E MIJARAN