Un an mès, era processon deth Via Crucis de Bossòst a amassat a centenats de persones, tant vesins coma toristes, que, maugrat era ploja, non s’an volut pèrder er encant d’aguesta tradicion, unica en país.

Es dus passi mès naui, eth deth Crist dera Esperança e eth dera Mair de Diu dera Misericòrdia, aguest darrèr portat integralaments per hemnes, an estat dejà consolidats en acte, en tot atrèir grana part d'era atencion des espectadors.

Mès de 200 vesins de Bossòst an participat ena processon, ja sigue coma soldats, angelets, veudes… Un compromís non sonque des generacions adultes, senon tanben des mès joenes, que damb orgulh decidissen implicar-se en aguest acte religiós.

Era processon Via Crucis a demostrat, un aute viatge, èster un des actes principaus deth pòble de Bossòst, en tot demostrar era sua magia e poder entà amassar a tot un pòble, que damb illusion, ja pense en premanir era processon deth pròplèu an.