Eth Conselh demane un expedient informatiu ath servici de remassada de residus

16/01/2018

Eth Conselh Generau d’Aran aprovèc, ena darrèra session extraordinaria deth plen, eth patron de crubament dera taxa deth servici de remassada de residus deth 2018. Un impòrt que superarà enguan eth milion e miei d’euròs

Mès en aguest plen eth protagonisme non l’auec pas eth patron de crubament deth servici de remassada, senon es deficiéncies d’aguest servici pendent es Nadaus.

Com a conseqüéncia d’aguesta situacion, eth Conselh a dubèrt un expedient informatiu ara enterpresa concesionaria entà qu’elabòre un informe exposant es motius pes quaus era qualitat deth servici non siguec era demorada.

Eth dia 18 de gèr s’a convocat ua amassada deth Conselh Consultatiu de Bailes dera Val d’Aran, a on un des punts a tractar serà precisament aguest.

Ei fòrça necessari replantejar aguest servici de remassada, sustot en epòques senhalades coma Nadau, quan era poblacion se quadruplique de 10.000 a 40.000 persones, mès tanben ei plan necessari que tant visitants coma locaus se compòrten de manèra civica entà facilitar era remassada de lordères e evitar que se tornen a repetir ues imatges tan negatiues entara Val d’Aran.

Clara Villar