Eth Conselh Consultiu de Bailes d’Aran a dat supòrt ar estudi de condicionament dera N-230 elaborat de forma conjunta entre era Generalitat, era Deputacion de Lhèida, eth Conselh Generau d’Aran e er Ajuntament de Vielha e Mijaran.

Enes allegacions presentades a Foment se demane ath Ministèri que retire es sues propòstes e estúdie naues possibilitats.

Aguestes allegacions conjuntes entre es quate administracions son frut dera gran preocupacion qu’a generat en territòri era propòsta de Foment.

Aué madeish se presentaue ena Deputacion de Lhèida aguest allegat conjunt que formularàn es quate entitats en estudi informatiu de condicionament dera N-230 a compdar deth tunèl de Vielha enquiara termièra francesa.