Era Escòla d’Ostalaria de Les a tornat a daurir eth sòn centre dempús deth barrament de hè dus mesi e miei a causa deth Coronavirus. Ac a hèt en tot aufrir classes presenciaus  volontàries as alumnes de darrèr an des cicles. Totun, era assisténcia en aguesti prumèri dies non a superat eth 25% der alumnat que podie vier.  

Es classes qu’auancen matèria formatiua son es online, que s’an anat realizant pendent tot eth confinament, mentre qu’es presenciaus son de supòrt ar alumnat e sonque s’amien a tèrme dus viatges ara setmana.

Es classes presenciaus son volontàries, mès tostemp jos era obligatorietat de respectar es mesures de prevencion adoptades ena Escòla d’Ostalaria de Les.