Eth Plen der Ajuntament de Vielha a agut coma èish centrau es allegacions vers es alternatiues presentades per Foment. Atau, era mocion còntra es prepauses de Foment qu’auia premanit eth consistòri a estat retirada per manca d’unanimitat.

Damb er objectiu de redactar ua mocion mès consistènta dauant es propòstes der Estat Espanhòu, er Ajuntament de Vielha e Mijaran demorarà era realizacion des estudis socioeconomics e d’impacte mieiambentau pertinents.

Des dera oposicion, s’a allegat eth besonh de tier ua vision mès globau de país, que compdigue damb eth supòrt non sonque des representants de Vielha e Mijaran, senon tanben dera rèsta de municipis.

En Plen tanben s’a hèt ua crida entà trebalhar pera milhora deth sistema de jubilacion actuau e racionalizar es depenes des pressupòsti.