Càritas Val d’Aran a organizat uns talhèrs teorics e practics de supòrt familhar sus es dificultats que sorgissen pendent era criança des mainatges. En concret, i aurà un totau de sies sessions participatives.

Era psicològa Asun Carrión siguec era encargada de dirigir eth prumèr talhèr deth projècte, en que se hec ua introduccion as prinicipaus conflictes que pòden nèisher enes disparièrs cicles evolutius dera mainadèra. Totun, es accions sociaus de Caritas val d’Aran non acaben aquiu.

Caritas Val d’Aran, que compde dejà damb un pialèr d’ans en actiu, sage de trapar sinèrgies damb d’autes entitats, coma pòden èster clubs o academies, entà garantir eth benèster e era igualtat entre aqueres familhes que se trapen en situacion de nauta vulnerabilitat.