Bossòst se premanís entara celebracion dera dusau edicion der hestivau culturau mès important deth municipi: eth Black Mountain Bossòst, un eveniment dedicat de forma exclusiua ath genre nere qu’acuelh activitats relacionades damb era literatura, eth cinèma e era musica en un ambient inigualable.

Er an passat aguest hestivau, organizat conjuntament entre erAjuntament e er escrivan e vesin de Bossòst, José Luis Muñoz, siguec tot un exit e açò se reflectic ena aucupacion otelèra deth municipi.

Un eveniment qu’a coma objectiu apropar era cultura a toti es sòns assistents, tant vesins e vesies coma amants deth genre vengudi de diuèrses parts der estat, e que demòstre qu’era Val d’Aran ei molt mès que sonque ua destinacion de nhèu.