Baqueira-Beret premanís era fin dera sason d’iuèrn d’enguan damb bones expectatiues d’esquiaires, en tot coincidir damb es hèstes de Pasca. Entad aguesti darrèri 15 dies dera sason, era estacion aranesa a eth 100% des installacions dubèrtes entà acuélher as darrèri esquiaires dera sason, damb nhèu naua dempús des precipitacions qu’an queigut pendent es darrèri dies. Es esquiaires de Pasca acostumen a èster clients abituaus dera estacion, a on destaquen propietaris de viuendes e clients portuguesi.

Era estacion a agut ua sason tanplan bona, en tot destacar Nadau e eth mes de hereuèr, damb fòrça esquiaires autant nacionaus coma de diuèrsi païsi d’Euròpa. Encara manquen diuèrsi dies d’esquí, abantes non barren es pistes ath public eth pròplèu 7 d’abriu.