Era comunitat de vesins dera bastissa deth pòrt dera Bonaigua a arribat a un acòrd damb era estacion d’esquí de Baqueira-Beret dempús deth litigi que ja hè ans que dure peth bastiment deth telecabina que ges des dera urbanizacion de Ruda ena còta 1500. Es vesins reclamauen es sòns drets ara intimitat i integritat fisica en tot considerar qu’eth telecabina les alebaue. Ara, damb era senténcia qu’a emetut un jutjat de Lhèida, ne er Ajuntament de Naut Aran ne Baqueira-Beret auràn de desmontar eth cable d’aguest equipament.

Des dera administracion municipau, autant coma des dera estacion de Baqueira-Beret son tanplan satisfèts d’aguesta senténcia, e demoren qu’aguest pròplèu ostiu s’age barrat definitiuaments aguest litigi que hè fòrça ans qu’ei enes jutjats.