A compdar d'aguesta sason d'iuèrn, Baqueira-Beret a estreat eth nau circuit Funpark en parçan de Beret. Un recorregut dirigit ara mainadèra, famílies e grops de debutants en qué s'interactue damb elements decoratius damb mònstres, flors gigantes e reproduccions d'animaus dera Val d'Aran. Un circuit que cònste de 1750 mètres de pista plaçat ath cant deth telesèra deth Clòt der Os.

Çò de mès important deth Funpark non ei era velocitat. I a un totau d’11 figures entre es quaus se i trape ua gran varietat d’animaus coma: marmòtes, lops e vops. Es visitaires deth circuit poderàn interactuar damb es figures de goma e auràn d’anar en tot trapar es animaus que s’amaguen enes arbes. Ua grana actiuetat, que tota era família poderà gaudir pendent tota era sason d’iuèrn.