Eth pòble de Vielha compdarà lèu damb un parcatge especiau entà caravanes, un servici qu’enquiara non estaue cobèrt e qu’ère cada còp mès necessari degut ar aument d’aguest tipe de torisme en territòri.

Era explotacion d’aguest terren se dauric a concors public e era empresa escuelhuda dejà a començat es trebalhs d’adequacion.

Serà era pròpia empresa adjudicatària qui hèsque era inversion de lèu 100.000 euròs entà realizar es òbres apertientes en terren, qu'espetarà pendent 25 ans pagant un loguèr ath consistòri.

Aguest ère un servici qu’er Ajuntament de Vielha e Mijaran consideraue necessari entà cobrir es necessitats deth torisme d’autocaravanes.

Ei previst qu’aguest nau parcatge dejà sigue en foncionament entara sason d’ostiu. Un gran auanç en aguest sector deth torisme qu’encara non estaue espetat en municipi.