Era Val d’Aran barre ua naua sason d’iuèrn damb fòrça exit. Es nheuades e es bones condicions des pistes d’esquí en Baqueira-Beret, atau coma es grani atractius des municipis aranesi an artenhut qu’es donades de visitants se mantenguessen fòrça nautes pendent es darrèri mesi.

Era Setmana Santa s’a apropat ath plen d’aucupacion tot e qu’es condicions meteorologiques d’aguesti dies non agen acompanhat guaire, hèt qu’a beneficiat a d’auti sectors.

Des d’hè mès d’un mes, Torisme Val d’Aran se trape dejà premanint era sason de primauera e ostiu, damb era assisténcia a destacades hèires deth sector.

Ua des nauetats enes que se trebalhen de cara ara sason d’ostiu ei era dubertura deth Centre d’Interpretacion dera Artiga de Lin, confirmada entà finaus de junh o principi de junhsèga. Ua forma mès de consolidar es activitats de torisme culturau e potenciar er auviatge aranés.