Eth Conseil General dera Haut-Garonne, plaçat en Saint Gaudens, en França, a acuelhut era presentacion oficiau deth projècte transfronterèr Trans-Garona, basat en eth bastiment d'ua rota ciclable que junherà Tolosa damb era Val d'Aran.

En eth marc d'aguest projècte, es òbres ena Val Aran, que seràn de 3 km, anaràn des dera termièra francesa enquiara poblacion de Les, a on passarà a connectar damb eth camin Reiau. Ua iniciatiua que contribuirà a impulsar eth ja coneishut coma torisme verd.

Eth tram Sud dera rota Trans-Garona, que harà possibla era union de Fronsac damb era Val d'Aran a pedals, a un còst de 3,58 milions d'èuros e serà cofinançada en un 65% peth Hons Europèu de Desvolopament Regionau. Era rèsta dera inversion anarà a cargue deth Conselh Generau d'Aran e deth Departament dera Haute-Garonne.

Atau madeish, un aute aspècte que s'enfortirà gràcies ara rota ciclable Trans-Garona, serà eth dera seguretat des ciclistes.