Dempús des demanes de bèri vesins, en pòble d'Arties se bastirà un parcatge sosterranh que se plaçarà en carrèr Pelegrín e que compdarà damb un totau de 20 places. Se harà a trauès d'ua enterpresa concessionària qu’amiarà a tèrme era òbra e era gestion dera infrastructura ath temps que se beneficiarà dera sua explotacion. Maugrat açò, li calerà pagar un impòrt en Ajuntament relatiu ara concession der espaci municipau.

Eth pressupòst ei d'apuprètz 450.000 èuros e se preve qu'es òbres comencen lèu pr'amor qu'es vesins poguen gaudir deth nau parcatge sosterranh e eth pòble se descongestione de veïculs de cara ara sason d'iuèrn, quan era localitat multiplique exponenciauments es sòns abitants.

Er arquitècte dera òbra a agut en compde era proximitat der arriu de Valarties ara ora de dessenhar eth projècte, entà evitar futures infiltracions d'aigua e d’auti problèmes que se’n poguen derivar.