Pròp de 120 km esquiables aguesta dimenjada en Baqueira-Beret

29/11/2017

Era estacion d'esquí aranesa a previst, se es condicions meteorologiques ac permeten, daurir aguesta pròplèu dimenjada era totalitat des sòns remontadors, en tot dar accès a 80 pistes, que somen un totau de 118 quilomètres enes zònes de Baqueira, Beret e Bonaigua

Es baishes temperatures des darrèri dies e es nheuades qu'a deishat eth mes de noveme, permeteràn ampliar de 75 a pròp de 120 eth domeni esquiable entara prumèra dimenjada deth mes de deseme. 

Se poirà gaudir de 6 pistes verdes, 42 blus e 6 neres damb ues bones condicions de nhèu povàs dura. Estaràn dubèrtes pròp deth 90% des pistes de Baqueira e eth 70% en Beret e Bonaigua.

Aguestes condicions son ua clara mòstra de que Baqueira-Beret se traparà enes milhors condicions de cara ath pònt de deseme

Dejà se traparàn en foncionament era totalitat de servicis de loguèr Ski Service e Baqueira Store, en Baqueira 1.500, Ruda, Beret e Bonaigua, e era majoria de cafeteries e restaurants en pistes, atau coma es servicis d'escòla mairau e es parcs infantils de 1500, 1800 e Beret. 

IMATGES: BAQUEIRA-BERET

Clara Villar