Eth Restaurant "Er Occitan" de Bossòst a estat er scenari escuelhut entà celebrar era dusau net deth Torisme dera Val d'Aran. Un acte en qué s'an presentat es resultats dera activitat toristica aranesa deth 2017.

Damb un pressupòst de mès de 650.000 èuros, Foment Torisme Val d'Aran pòt presumir d'auer incrementat eth nombre de visitants en Aran. Un hèt qu'a repercutit ena dubertura de naui comèrci e establiments toristics e que constate ua bona tendència, maugrat qu'encara se plantejen rèptes.

Es dues nauetats destacades de cara ath futur son era inauguracion deth Centre d'Interpretacion dera Artiga de Lin e eth projècte dera Casa Haro de Les, damb er objectiu de contunhar en tot difóner e en tot preservar es tradicions e era cultura dera Val.