Eth Conselh Generau d’Arana renauit eth contracte damb es responsables deth servici meteorologic dera Val d'Aran "Meteoaran" entad aguest an 2018.
Meteoaran, que neishec damb er objectiu de garantir ues prediccions meteorologiques de qualitat en nòste territòri, entrèc en foncionament en noveme de 2016 e en pòc mès d'un an s'a convertit en referent en sòn ambit. 
Aguest servici meteorologic, deth quau n'ei responsable Àlex Sirat, aufrís previsions de 3 dies, ampliadi a 5 pendent es sasons d'hèstes  e pònts, e se pòt consultar a trauès dera sua plana web atau coma tanben ena deth Conselh Generau d’Aran e Torisme Val d'Aran.
Entara Conselhèra de Torisme e Desvolopament Economic d’Aran, Anna Díaz, ei important poder aufrir un servici d'aguestes caracteristiques en relacion damb eth sector toristic qu'arregraís ues previsions meteorologiques que siguen çò mès fiables possibles.