Eth restaurant Wellbourne de Salardú ei presentat en Celler Clos Pons

03/10/2017

Se trape en antic chalet de golf e es codinèrs somen un totau de 12 estrelhes Michelin

Eth passat 29 de seteme s'amièc a tèrme era presentacion deth restaurant Wellbourne de Salardú en cerèr Clos Pons dera localitat de l'Albagès (Lhèida). Es codinèrs Ross Gibbens e James Goodyear aufriren ua mòstra gastronomica de çò que i aurà enes menús.D'aute biais, eth cap de sala, Martin Irwin, aufric cocktails damb cafè e te barrejadi damb whisky e ginebra. Ar eveniment i assistiren autoritats dera Val d'Aran e de Baqueira-Beret.

Es responsables deth restaurant compden damb mès de 30 ans d'experiéncia e somen 12 estrelhes Michelin. Eth restaurant se trape en antic chalet deth golf de Salardú. Oficiauments, es pòrtes d'aguest nau establiment se dauriràn eth pròplèu 2 de deseme. 

Ena sua aufèrta aufrís un concèpte desparièr, en tot barrejar productes locaus deth Pirenèu damb d'auti de dehòra. Tot acompanhat damb excellents vins. Er equipament compde damb tres espacis: un de nauta codina, un aute casual e un airau privat entà hèstes e dinars d'empresa. Serà dubèrt tota era setmana, e damb un servici non-stop pendent er iuèrn. 

Era adreça oficiau deth restaurant Wellbourne ei Carrèr dera Mòla, 5, e era sua plana web ei www.wellbourne.es
Manu Moga