Maugrat eth mau temps pendent eth Pònt de Mai, era Val d’Aran pòt presumir d’auer artenhut bones donades d’aucupacion toristica. E mès concrètaments, eth pòble de Bossòst a estat un des que mès succès a enregistrat, donques qu'a estat eth cap-lòc deth hestivau deth genre nere Black Mountain, celebrat ara longa d’aguesti dies hestius. En bèri establiments, coma ena Hosteria Catalana, an artenhut eth 90% d’aucupacion.

Ath delà, era Hosteria Catalana a estat scenari de diuèrsi des actes der hestivau Black Mountain, coma era conferéncia sus era val d’Aran coma territòri de pas tas josivi qu’escapauen deth Nazisme.

Tanplan, era origina majoritària des toristes, segons es otelèrs, ei era rèsta de Catalonha, mès tanben i a un nombre significatiu de visitants francesi e provenenti de diferenti punts der estat espanhòu. Un public qu’a gaudit des arriques propòstes culturaus, gastronomiques e de natura qu’era Val d’Aran aufrís en aguesta epòca der an.