Era Val d'Aran arribe ath 85% d'aucupacion en aguest pònt

06/12/2017

Eth pònt de deseme dejà a arrancat e dèishe ena Val d’Aran ues donades d’aucupacion d’ath torn deth 85%.

En èster un pònt de 5 dies eth torisme, qu’ei ena sua majoria nacionau, se trape fòrça distribuit enes diferentes dates e se lòtge, de mieja, uns 3 dies e miei.

Enguan, es donades son fòrça superiors as deth Pònt der an 2016, en part gràcies as intenses nheuades qu’an deishat en territòri eth mes de noveme e es prumèrs dies de deseme.

Aguest 85% d’aucupacion en pònt, augure ues donades molt positives entàs pròplèus vacances de Nadau.

Ath delà deth magnific estat en quau se trapen es pistes de Baqueira-Beret, es toristes que visiten era Val d’Aran poderàn gaudir des desenes d’activitats qu’es diferents municipis aranesi an premanit entà aguesti dies: des de mercats artesanaus, gastronomics o de materiau d’esquí, a espectacles culturaus e d’òci entà grani e petiti.

Clara Villar