Era Glèisa de Bossòst, scenari dera clausura deth cicle Romanic Musicau d'ostiu

25/08/2018

Era glèisa d’Era Purificacion de Maria de Bossòst a acuelhut eth concèrt de barrament deth cicle Romanic Musicau d’aguest ostiu, qu’enguan complís 20 ans.  Atau, eth quartet Prysma aufric a ua glèisa plia a vessar un concèrt damb un repertòri protagonizat per Mozart, Rosini, Bizet e Puccini.

Abantes deth concèrt, era istoriana Elisa Ros aufric ua explicacion sus es elements arquitectonics mès significatius dera glèisa de Bossòst ath temps qu’expliquèc es cambis qu’a patit ath long des ans. Des dera sua neishença, eth cicle Romanic Musicau a estat un bon detonant entà amiar a tèrme melhores enes glèises araneses.

Aguest cicle tanben a ajudat a revalorizar eth patrimòni romanic dera tèrra en tot contribuir a augmentar era auferta toristica deth país.  

Era pròplèu cita deth romanic Musicau serà en iuèrn, a on s’escuelheràn un parelh de dies entà aufrir dus naui concèrts entà alugar era hlama magica deth Nadau.

Laura Rodríguez