Eth projècte “Endinsa’t”, que trabalhe en assolidatge deth benestar integrau a trauès dera natura, era espiritualitat e eth valor der auviatge, a realizat eth sòn dusau talhèr en municipi de Bossòst, entà auançar ena implicacion sociau. Aguest estudi, que s'amie a tèrme pera Associacion Silene e per Ajuntament de Bossòst, se centre principauments en 3 espacis diferenti.

En aguest dusau talhèr s'i a parlat sus marqueting de valors e activitats economiques, de forma qu'es agents sociaus e economics que i an assistit an pogut hèr ua ploja d'idèes sus com profitar eth valor patrimoniau e naturau deth pòble.

Eth pròplèu talhèr deth projècte Endinsa’t  serà, apuntatz-ac, eth pròplèu 15 de junh en Bossòst e contunharà en tot perseguir aguest objectiu d'arténher qu'es vesins deth municipi, e dera Val, s'i endintren en aguesta iniciatiua.