Gràcies a ua idèa que siguec gestada per Ajuntament de Bossòst e er èish de comerçants dera madeisha localitat, eth prumèr Shopping Night de Bossòst s'a celebrat un dia abans de veir passar eth Tour de França pera sua carretèra. Ua prepausa molt ben arrecebuda pes botigues deth pòble.

Des des 7 dera tarde enquias 11 dera net es botigues de Bossòst an exibit tota sòrta de detalhs associadi damb eth ciclisme, en tot contribuïr a crear un ambient hestiu, a on es vesins dera localitat non an dobtat entà ahiger-se.

Des der Ajuntament an celebrat era grana implicacion qu'a demostrat eth pòble damb aguesta iniciatiua.

Ath delà, era Shopping Night de Bossòst compdèc damb musica en viu en carrèr dera man des artistes Dwayna e Emilio Candelas.