Un an mès Bagergue a presentat candidatura ath concors Viles Florides, adornant toti es sòns carrèrs e cornèrs damb tota sòrta de flors e de detalhs hèti a man restacadi damb era flòra e era fauna. Ua escomesa solida qu'a vestit era localitat de gala entà lutar per arténher un bon resultat en concors.

Aguest projècte a tornat a amassar as vesins deth pòble, que damb esfòrç an trebalhat entà atrèir as vèspes en tot florir es sòns carrèrs.

Des der Ajuntament s'i an plantat un totau de 426 flors, mès tanben cau tier en compde totes aqueres plantades pes particulars, que son era majoria. Ua estampa florida qu'a deishat estonat as visitants.

Un huelheton a disposicion des toristes explique ara perfeccion era rota des espacis floridi a seguir en pòble e es grani atractius de Bagergue.

E ara, a demorar damb impaciéncia eth verdicte per part deth jurat, que serà en octobre.