150 pernoctacions en nau parcatge de caravanes de Vielha en sòn prumèr mes

28/09/2018

Era installacion dauric eth 15 d'agost damb ua capacitat tà 36 places, e a recebut clients de fòrça païsi d'Euròpa

Eth nau parcatge de caravanes e autocaravanes de Vielha a enregistrat mès de 150 pernoctacions a compdar dera sua dubertura eth passat 15 d'agost.

En aguest prumèr mes, era installacion a recebut clients de diuèrsi païsi europèus, ath delà d'auer fòrça bona acuelhuda per part des clients catalans.

Segontes eth Baile de Vielha e Mijaran, Juan Antonio Serrano, des der Ajuntament se senten “satisfèts dera bona acuelhuda qu'a agut aguest nau servici. Damb eth temps, de ben segur qu'arribarà a mès gent e i aurà fòrça mès pernoctacions, pr'amor qu'encara manquen per amiar a tèrme diuèrses melhores enes installacions”.

Aguest nau equipament compde damb servici de lavabos e de tractament des aigües residuaus des pròpries caravanes e autocaravanes. Totun, enes pròplèus mesi i aurà tanben servici de doches.

Clara Villar