Suspenudi es romieuatges e hestivitats de Vielha e Mijaran previsti entà mai

24/04/2020

Er Ajuntament de Vielha e Mijaran a hèt oficiau era suspension de toti es romieuatges e hèstes populares qu’estauen previsti entad aguest mes de mai en tot eth tèrme municipau.

E ei qu’es aglomeracions que s’acostumen a enregistrar en aguestes hestivitats non son compatibles damb es actuaus mesures de prevencion dera Covid-19.  

Es romieuatges afectadi son eth de Sant Joan d'Arròs, eth dera Vèrge des Desamparats de Montcorbau e eth tradicionau romieuatge de Santa Quitèria, ena boca sud deth Tunèl de Vielha.

Ath delà, era hèsta de Sant Pònç en Vielha, tanben a quedat anullada. 

En tot atier ara fasa de desconfinament e ara situacion d’incertesa que se viu, des deth Consistòri de Vielha e Mijaran encara non s’a prenut cap de decision sus es hestivitats que s’an previstes de celebrar a compdar de junh.

Laura Rodríguez