Torisme
Lèu 200 mainatges participen en programa "Espòrt Blanc Escolar"
29/01/2019
Un totau de 188 escolans de tresau e quatau de primària des escòles dera Val d'Aran participen en programa "Espòrt Blanc Escolar".
Aguest programa ei organizat pera Secretaria Generau der Espòrt e eth Departament d'Educacion dera Generalitat, e i collabòren eth Conselh Generau d’Aran e eth Conselh Esportiu dera Val d’Aran, Baqueira-Beret, era Deputacion de Lhèida e era Federacion Catalana d'Espòrts d'Iuèrn.
En total i participen 124 mainatges e mainades dera Escòla Garona de Vielha, 18 dera Escòla Sant Roc de Bossòst, 14 dera Escòla Estudi Alejandro Casona de Les, e 32 dera ZER Val d’Aran.
Eth Programa Espòrt Blanc Escolar a coma objectiu impulsar era iniciacion e era coneishença des espòrts d'iuèrn enes mès petiti enes sues desparières modalitats.
Es escolans auràn er esquí coma ua matèria mès a estudiar laguens dera matèria d'Educacion Fisica. Ei obligatòria e serà era nòta dera matèria d'Educacion Fisica deth dusau trimèstre.
Es escolans dera Val d’Aran realizaràn un totau de 8 sessions laguens der orari lectiu ena estacion d'esquí de Baqueira Beret. Eth programa includís tres jornades d'esquí de hons, que se realizen en Beret, 3 d'esquí aupin e dus de snowboard ena zòna de Baqueira.
Eth secretari tecnic deth Conselh Esportiu dera Val d’Aran, Marc Puig, a soslinhat qu'eth programa Espòrt Blanc Escolar ajuda a difóner e promòir era practica des espòrts d'iuèrn e ath madeish temps era cultura e es valors dera nhèu e era montanha.
Ena Val d'Aran ei eth Conselh Esportiu qui s'encargue dera coordinacion e eth Conselh Generau d’Aran se hè cargue deth transpòrt. Pera sua part era estacion d'esquí de Baqueira Beret apòrte es forfaits e eth materiau de besonh entàs activitats.
Aguest programa ei organizat pera Secretaria Generau der Espòrt e eth Departament d'Educacion dera Generalitat, e i collabòren eth Conselh Generau d’Aran e eth Conselh Esportiu dera Val d’Aran, Baqueira-Beret, era Deputacion de Lhèida e era Federacion Catalana d'Espòrts d'Iuèrn.
En total i participen 124 mainatges e mainades dera Escòla Garona de Vielha, 18 dera Escòla Sant Roc de Bossòst, 14 dera Escòla Estudi Alejandro Casona de Les, e 32 dera ZER Val d’Aran.
Eth Programa Espòrt Blanc Escolar a coma objectiu impulsar era iniciacion e era coneishença des espòrts d'iuèrn enes mès petiti enes sues desparières modalitats.
Es escolans auràn er esquí coma ua matèria mès a estudiar laguens dera matèria d'Educacion Fisica. Ei obligatòria e serà era nòta dera matèria d'Educacion Fisica deth dusau trimèstre.
Es escolans dera Val d’Aran realizaràn un totau de 8 sessions laguens der orari lectiu ena estacion d'esquí de Baqueira Beret. Eth programa includís tres jornades d'esquí de hons, que se realizen en Beret, 3 d'esquí aupin e dus de snowboard ena zòna de Baqueira.
Eth secretari tecnic deth Conselh Esportiu dera Val d’Aran, Marc Puig, a soslinhat qu'eth programa Espòrt Blanc Escolar ajuda a difóner e promòir era practica des espòrts d'iuèrn e ath madeish temps era cultura e es valors dera nhèu e era montanha.
Ena Val d'Aran ei eth Conselh Esportiu qui s'encargue dera coordinacion e eth Conselh Generau d’Aran se hè cargue deth transpòrt. Pera sua part era estacion d'esquí de Baqueira Beret apòrte es forfaits e eth materiau de besonh entàs activitats.
Clara Villar