Hèsta de Sant Fèlix de Bagergue: grana implicacion de tot un pòble

02/08/2018

Un an mès, eth pòble de Bagergue a celebrat es sues hèstes patronaus de Sant Fèlix. Tàs dotze deth meddia es campanes dera glèisa ja mercauen qu'era missa en aunor a Sant Fèlix ère a punt de començar, ua cita que ne adults ne joens jamès se pèrden.

Ara seguida, era Còlha de Santa Maria de Mijaran a delectat a toti es presents damb es sòns balhs aranesi jos un solei de justícia. Fusion entre era tradicion e era cultura aranesa que non passe inapercebuda pes toristes.

Un minjar popular, a on s'i hec ua bona paelhada, junhec as vesins de Bagergue. Bèri uns rememorauen com auien cambiat aguestes hèstes de Sant Fèlix damb eth transcors deth temps.

E eth dia de Sant Fèlix non concludic pas aquieu. Un balh de tarde e un aute de net acabèren de hèr lúder eth desir de hèr pòble que Bagergue tostemp a agut pendent aguest dia tan especiau.

Laura Rodríguez