Es eleccions municipaus en Les

19/05/2019

Plaçat en terçon deQuate Lòcs a 634 mètres de nautada, enes mès de 23 km quarrats d’extension deth municipi de Les i abiten 954 persones.

Damb un ampli ventalh d’atractius que van des des sues Tèrmes, enquiath sòn auviatge naturau e culturau, Les conserve ua des tradicions araneses damb mès reconeishement: era crema der Haro ena net de Sant Joan, que forme part des sues hèstes deth huec.

Er Ajuntament municipau ei conformat per un totau de 7 còssos: quate d’Unitat d’Aran (UA), dus deth grop Corròp-Amassa e un de Convergéncia democratica Aranesa (CdA). Enguan, es vesins e vesies deth municipi auràn de tornar a escuélher entre aguesti tres partits que presenten candidatura.

CdA apòste enguan per José Antonio Boya coma candidat ara alcaldia de Les. Ena sua lista l’acompanhen Yolanda Ros, Aran Medan, Carolina Núñez, Marco Antonio Boya, Maria Victoria Navarro e Pedro Juan Cuito..

Pera sua part, era assamblea de Corròp-Amassa decidic qu’enguan era sua candidatura siguesse entestada per Hug de la Rosa, seguit per Patricia Tomás, Immaculada Maymús, Maite Salvañá, Jordi Faure, Judith Nogueras e Ignasi Gómez.

Dempús de molti ans ath capdauant der Ajuntament, Emilio Medán dèishe pas a Andreu Cortés coma cap de lista d’Unitat d’Aran, seguit per Felipe Ané, Paco Boya, José Luis Boya, Anna Vergés, Jesús Moreno e Melanie Marchal.

Enes eleccions municipaus d’aguest pròplèu 26 de mai, eth vòt des vesins e vesies de Les decidirà eth futur deth municipi en tot escuélher as sòns representants.

Clara Villar