Eth darrèr Plen deth Conselh Generau d’Aran a centrat tota era atencion enes darrèri atacs der os ath bestiar dera Val d’Aran e ena ineficiència ena gestion des lordères en territòri.

D'aguesta forma eth Govèrn d'Aran a manifestat era sua volontat tà demanar ara Generalitat era competéncia sus tot çò que tanh era fauna sauvatja. Tanben demanarà era modificacion deth decrèt de maus damb er objectiu d’incrementar es indemnizacions e comparar-les ath dera rèsta de territòris.

Un aute des ahèrs que s'a metut dessús dera taula ath Plen a estat era gestion des lordères, sustot en çò que tanh ara recuelhuda selectiva.

Er ostiu a tornat a deishar imatges pòc agradiues d'isles de contienedors pleï de voluminosi e lordèresque hèn sautar es alarmes. En aguest sens, er executiu aranés vò préner accions immediates.

Entà pr'amor de melhorar aguest servici, eth Conselh Generau d'Aran incrementarà era taxa de recuelhuda de lordères enquia un 3%.