Era pandèmia deth Coronavirus a hèt a endarrerir dus mesi e miei era dubertura deth parc de fauna sauvatja Aran Park. Mès en tot profitar era desescalada, eth centre dejà a previst eth dia entara sua redubertura: serà eth dissabte 20 de junh. 

Ua data fòrça demorada tath parc, tàs visitants e tanben tàs animaus, qu’an passat uns mesi atipics on s’an engüejat sense es visites abituaus. Ues visites qu’a compdar dera redubertura s’auràn d’amiar a tèrme damb un protocòl de prevencion.

Ath delà, se limitarà eth numerò d’entrades e tanpòc se deisharà qu’es visitants alimenten as animaus. 

En çò que tanh as nauetats dera sason, suberges era benvenguda a ua naua espècia en Aran Park. 

Pendent era primauera an neishut naui exemplars de cabiròus, isards, daines e marmòtes que dejà corretegen pes installacions. 

Aran Park, que daurís pendent toti es dies dera setmana de 9.30 deth maitin enquiàs 19 ores dera tarde, compde dejà damb 16 diparières espècies e 140 individus.