Eth Yòga, que se trape en un moment d'esplendor ena nòsta societat, non sonque ei  beneficiós tàs adults, senon tanben tàs mainatges.

E aguest ei, justaments, un des messatges que vò transméter era activitat Yoguicondes, organizada per Ajuntament de Vielha e eth Conselh Generau a trauès dera Bibliotèca deth municipi.

Eth Yoguicondes, ath delà d'iniciar as mès petiti ath Yòga, tanben vò desvelhar eth sòn interès ena lectura e apropar ara societat er espaci infantil qu'era Bibliotèca de Vielha a adaptat.

Ua iniciatiua qu'ajude a calmar er excès d'energia dera mainadèra pendent er ostiu ath madeish temps que se fomenten es abituds de lectura mentre se passe ua bona estona.

Eth Yoguicondes preten arribar entà quedar-se, e ei per açò que pendent er ostiu se cercaràn d'autes dates entà contunhar damb era activitat. E, en començar era escòla, se realizarà es dissabtes pr'amor de garantir era assisténcia e non interrómper enes obligacions escolares.