Vielha e Mijaran apròve eth Plan d'Igualtat d'Oportunitats

17/01/2019

Ena darrèra session plenària der Ajuntament de Vielha e Mijaran s’a aprovat, per unanimitat de toti es grops politics, eth Plan d'Igualtat d'Oportunitats entre hemnes e òmes. Un projècte en quau er airau d’accion sociau deth consistòri portaue trebalhant mès d’un an e que definirà e concretarà es politiques a portar a tèrme entà potenciar era igualtat de genre.

Eth principau objectiu d’aguest plan ei dessenhar ua sèrie d’accions que se poguen desvolopar a diferents nivèus, en tot amiar a tèrme trebalhs de formacion e estrategies politiques qu’incidisquen de forma dirècta enes activitats deth dia a dia des ciutadans e ciutadanes entà arténher ua major conscienciacion.

Aguest plan a estat encomanat a ua enterpresa extèrna, especialista en aguesti ahèrs e qu’aprigondís enes qüestions de genre enes localitats ruraus e de montanha e supause un gran auanç en matèria d’igualtat entath municipi.

Clara Villar