“Es darrèri paisatges”, atau ei coma se cride eth nau projècte sus es ligams entre paisatge e cementèris de Catalonha que dejà a començat. Aguesta iniciatiua ei amiada a tèrme pera Associacion Coemeterium, er Observatòri deth Paisatge de Catalunya e era participacion dera Universitat Pompeu Fabra.

Eth sòn objectiu, bastir un inventari des cementèris de tota Catalonha en tot configurar un mapa en ua plana web.

Un paisatge damb montanhes majestuoses e ua beresa peculiar, aguest ei eth qu’era Val aufrís des de toti es sòns cementèris.

En país s’an enregistrat 35 cementèris e s’i an estudiat totes es sues caracteristiques.

En estudi des recintes funeràris aranesi, se i an trapat 13.000 mètres quarrats de superfícia damb planta irregulara. Coma trets caracteristics, son abituaus es sepultures en tèrra e lèu toti es cementèris se trapen ath costat dera glèisa.

Des deth projècte se hè tanben ua crida a totes aqueres persones qu’agen coneishements sus es cementèris dera Val d’Aran, entà acabar de completar es fiches de cada cementèri aranés e aprigondir en sòn estudi.