Er Ajuntament de Vielha e Mijaran dejà a iniciat era prumèra fasa des òbres de reforma dera Sala Polivalenta, que consistís principaument ena milhora e mantenement dera estructura.

Er objectiu ei qu'aguest equipament sigue un auditòri que pogue acuélher convencions enes pròplèus ans. Era reforma s'amiarà a tèrme en diuèrses fases, de manèra qu'era sua finalizacion ei prevista a ans vista.

En aguesta prumèra fasa s'amie a tèrme er apariament deth tet e des elements que lo formen, pr'amor que se trapen en un estat fòrça deficient, e d'aguesta manèra s'esvitarà que i age mès filtracions d'aigua que poguen perjudicar eth solèr e empedir qu'es usatgèrs poguen hèr-se mau mentre l'empleguen en bèra ua des activitats.

Ath delà se substituirà er enlumenat interior, en tot installar enlumenat LED, pr'amor qu'ei fòrça mès sostenible e mès economic.

Fin finau, tanben s'amiarà a tèrme ua reforma dera façada exteriora, qu'ei fòrça deteriorada e lorda, e a de besonh un lauat d'imatge urgent.

Pendent era execucion d'aguestes òbres era installacion demorarà barrada ath sòn emplec entara practica esportiua.

HÒNT: AJUNTAMENT DE VIELHA E MIJARAN