Presentat eth programa dera naua edicion der hestivau literari "Black Mountain"

03/04/2019

Er hestivau Black Mountain, dedicat ara novèlla nera, torne a aterrar ena Val d’Aran en tot ampliar era sua longada e somant activitats en sòn programa culturau. Bossòst e Vielha tornaràn a acuélher aguest eveniment.

En çò que tanh as dies en que s'amiarà a tèrme, agarratz creion e papèr: eth dia 29 d’abriu serà eth dia qu’arrancarà era setmana Black Mountain, en tot alongar-se enquiath 5 de mai.

Entre es autors mès destacadi que visitaràn eth nòste país, se i trape Juan Madrid, premiat ena edicion passada der hestivau pera sua trajectòria.

Autant es municipis de Bossòst coma de Vielha an afirmat sentir-se plan orgulhosi de poder acuélher ues jornades tant prestigioses coma ne son aguestes.

Tanben entad açò, tà apropar eth genre nere ara societat, s’a convocat enguan eth prèmi montanha nera 2019 tàs adults, en que toti es residents o neishuts ena Val d’Aran i poderàn participar. 

Cau arrebrembar que tanben existís un prèmi juvenil de novèlla nera.

Laura Rodríguez