Conscienciar ara societat dera importància de suenhar eth miei ambient a trauèrs d’accions tan umanes coma eth reciclatge e era reutilizacion des materiaus. Aguest ei un des objectius que s’a mercat eth nau projècte de Càritas, presentat en “Era Audiovisuau de Vielha”.

Aguesta campanha se some as moltes autes que Càritas dejà amie a tèrme, coma era recaptacion de recorsi entad aqueri qu’ac an mès de besonh o era venda de productes de ComerçJust.

Aguest projècte vò bastir ua basa de compromís e d’actitud actiua, a on totes es iniciatiues per part dera societat seràn benvengudes.

Entà implementar es idèes deth projècte “Ecocambi”, Càritas Val d’Aran dejà se trape premanint ua sèrie d’activitats e talhèrs qu’anaràn dirigidi tant a mainatges coma a adults.

Entà dar eth tret de gessuda ad aguesti plantejaments, ena conferéncia se balhèc a toti es assistents ua bossa hèta de ròba de dusaua man, entà conscienciar de que toti es materiaus pòden auer d’auti emplecs e ua naua vida.