Practica de progression e escalada en gèu deth GRM

30/01/2019

Eth Grop de Rescat de Montanha (GRM) des Pompièrs d’Aran, amassa damb era Associacion de Guides de Montanha dera Val d’Aran, a realizat ua jornada de formacion e practica de progression e escalada en gèu 

Aguesta formacion s'ahig ara realizada est an passat en Baqueira Beret sus era coordinacion des diuèrsi grops qu'actuen en un scenari de multiples victimes en cas de lauegi e era transferéncia d'informacion e des diuèrses fases deth rescat, a on participèren es unitats deth madeish GRM, deth Centre de Prediccion de Lauegi deth Conselh Generau d’Aran, pisters de Baqueira Beret, Agents de Mossos d’Esquadra, Agents de Miei Ambient, Agents Forestaus, Guides de Montanha, Agents dera Gendarmerie francesa, de CRS de Luchon, e dera Guàrdia Civiu.

Eth GRM d’Aran ei era unitat especializada en rescats de montanha e accions en lauegi deth Servici Integrau d'Emergéncies dera Val d'Aran.

Clara Villar