Naut Aran condemne es accions inciviques de diuèrses persones en tot deishar rèstes de lordèra ena montanha

17/07/2020

Er Ajuntament de Naut Aran condemne es darrères accions inciviques de diuèrses persones en tot deishar rèstes de lordèra enes entorns naturaus deth nòste parçan. Concretament, es fotografies que s’adjunhen corresponen a lòcs coma Aiguamòg, e Òrri, toti dus emplaçaments fòrça visitats aguestes setmanes e en tota era sason d'ostieu.

Des d'aguest consistòri, se vò manifestar que toti auem de suenhar es nòsti entorns naturaus e qu'aguestes actituts non se pòden perméter pr'amor qu'era imatge des nòstes montanhes ei en jòc, e dera madeisha forma, era de tot eth territori. Ei per açò, que rebrembam qu'aguesta conducta ei sancionable, tant enes entorns urbans, pes autoritats competents coma eth baile o es vigilants municipaus, coma enes entorns naturaus pera brigada forestau deth Conselh Generau.

Demoram que, a compdar d'ara, i age mès consciéncia quan se gesque a gaudir dera natura e non se dipositen mès rèstes de dèishes.

HÒNT: AJUNTAMENT DE NAUT ARAN
Laura Rodríguez