Naua nheuada: eth temporau contunhe ena Val d'Aran

30/01/2019

Eth temporau que sofrís era Val d’Aran des d’hè ua setmana a deishat ua naua nheuada. D’aguesta forma, es celhs acumuladi pendent era jornada an anat des 10 centimètres en Baish Aran enquiàs 25 centimètres en Baqueira.

Es prediccions diden que pendent eth dia d'aué se demoren qu’es precipitacions s’arturen e que se daurisque bèth clar de cara ara tarde. Tanben se demore qu’eth vent de component nordoèst pèrde intensitat damb eth pas des ores.

Aguestes nheuades, tot e que hèn mès complicat eth dia a dia des vesins dera Val d’Aran d’Aran, èren dejà fòrça demorades.

En çò que tanh as carretères, eth Pòrt dera Bonaigua demore barrat per naut perilh de lauegi. Un risc que se traslade a totes es zònes de montanha e ei per açò que se demane que s’extremen es precaucions. En aguest sens cau arrebrembar que pendent era passada dimenjada, un òme que se trapaue esquiant dehòra de pistes moric a causa d’un laueg.

Es escòles e er Institut d'Aran an foncionat damb normalitat, coma tanben ac a hèt eth transpòrt public, maugrat qu'a patit bèth retard en bèth cas.

Ath delà, es esquiaires mès valents poderàn gaudir aué de 70 quilomètres esquiables en Baqueira/Beret.

Laura Rodríguez