Vielha a acuelhut ua naua concentracion ena plaça dera Glèisa coma mòstra de repulsa ath judici qu’estan patint bèri liders politics catalans. Ua amassada que reflèxe tanplan eth supòrt a drets tan fonamentaus coma era democràcia e era libertat d’expression des pòbles.

Aguesta concentracion s’a celebrat en parallel ara grana manifestacion de Madrid ara que i assistiren milèrs de persones.

Mès d’ua detzea d’aranesi viatgèren a Madrid entà èster presenti ena grana manifestacion. Ua marcha a on non sonque se protestèc contra eth judici as presoèrs politics, senon que tanben se metec de manifèst era preocupacion per ascens dera extrèma dreta en Estat Espanhòu.

Eth dimars 19 de març se reprenerà eth judici. Prumèr compareisherà Felipe Martínez Rico, qu'er 1 d’octobre de 2017 ère subsecretari deth Ministèri d’Isènda, e dempús eth tecnician administratiu David Badal.