Damb motiu deth dia mondiau contra eth càncer de popa, eth cap-lòc dera Val d'Aran, Vielha, a acuelhut un acte de supòrt a totes es hemnes que patissen aguesta malautia.

En principi, e coma cada an, s’auie organizat ua caminada, mès es fòrtes plojes heren impossible hèr-la. Maugrat açò, enes cubèrtes der Ajuntament debanèc ua batucada e era venta de productes solidaris.

Enguan, coma nauetat, en compdes d'aufrir moscatelh as assistents, s'a aufrit chuc, entà per'mor de fomentar abituds saludables entre era ciutadania. Ua auta novetat a estat eth despartiment de materiaus as comèrci entà per'mor de sensibilizar sus eth càncer de popa.

Des dera junta dera AECC Val d’Aran arrebremben qu’era associacion ei dubèrta a toti es afectadi per quinsevolh tipe de càncer e tanben as sues familhes. En aguest sens, son diuèrsi es servicis qu’era associacion aufrís.

Pr'amor que dar visibilitat ad aguesta malautia, ei clau entà auançar.