Maria Vergés, escuelhuda naua sindica d'Aran en Plen deth Conselh

29/10/2020

Hè dus dies s’anoncièc e aué s’a hèt oficiau: Maria Vergés a agarrat eth relèu ath enquia ara sindic d’Aran, Paco Boya, e entestarà eth govèrn d’Aran

Atau s’a confirmat en Plen extraordinari deth Conselh Generau d’Aran e gràcies as vòts a favor des conselhèrs dera equipa de govèrn, es d’Unitat d’Aran.

Maria Vergés se convertís atau ena tresau sindica d’Aran dera istòria, e contunharà en tot èster ath dauant der airau de Salut e Benèster. 

Arrebrembam qu’eth dejà ex sindic d’Aran a renonciat ara direccion deth Conselh Generau entà aucupar eth cargue de Secretari Generau entath Rèpte Demografic en Govèrn der Estat espanhòu.

Quauquarren que non compartís era oposicion, que s’a mostrat plan critica damb era renóncia de Boya ath cargue de sindic.   

Pera sua part, eth conselhèr d’Economia, Juan Antonio Serrano, passarà a èster a compdar d’ara era man dreta dera sindica, en tot convertir-se en vicesindic prumèr deth Govèrn d’Aran. 

Laura Rodríguez