Un an mès arribe era celebracion gastronomica mès exclusiva dera Val d’Aran, eth Mes deth Caviar, qu’a lòc des deth passat dia 4 enquiath 24 de març en diuèrsi establiments deth territòri.

Aguesta jòia gastronomica des Pirenèus s'incorporarà as cartes des restaurants Del gel al Foc (Rafael Hoteles), Café Nuevo, Era Coquèla, El Italiano (AC Baqueira Hoteles), Eth Ticolet, Es Arraïtzes, Era Mòla, Lits, Bòrda Benjamin e El Molí de Vielha se repartiràn eth protagonisme ath long de tres setmanes.

Tota ua experiéncia entà conéisher de prumèra man era magia deth caviar Nacarii.

Aguest producte, que s’includís laguens dera Marca de Garantia Val d’Aran, siguec premiat tanben coma eth milhor caviar d’Euròpa en an 2015.

Eth mes deth caviar ei organizat peth Conselh Generau d’Aran e Torisme Val d’Aran amassa damb Caviar Nacarii e era collaboracion deth Grèmi d’Ostalaria dera Val d’Aran e çò qu’aufrís ei era possibilitat de gaudir d’un producte tan selecte a uns prètzi mès redusidi entà apropar eth caviar aranés un shinhau mès a totes es persones.